ZANJOE AT CRISTINE, BALIK-TAMBALAN SA “TUBIG AT LANGIS”

TubigLangis

Magbabalik-tambalan sina Zanjoe Marudo at Cristine Reyes, kasama si Isabelle Daza, para bigyang buhay ang isang natatanging kwento na magpapakita ng tibay ng mag-asawa, tatag ng pamilya, at halaga ng tunay na pag-ibig sa pinakabagong serye ng ABS-CBN na “Tubig at Langis” simula Lunes (Feb 1).
Kilalanin si Irene (Cristine), isang babaeng sumumpang gagawin ang lahat sa ngalan ng buo at masayang pamilya. Bata pa lang siya ay iniwan na siya ng kanyang ina habang ang ama ay may kinasama namang iba.
Buong akala niya ay mabubuo niya ang pangarap niya sa katauhan ng unang pag-ibig na si Jaime. Ngunit sa kasamaang palad, ang lalaking gusto niyang makasama habambuhay ay nauna nang nangako ng pag-ibig sa ibang babae. Sinubukan ni Irene na kalimutan si Jaime pero nag-iwan ito ng hindi mabuburang alaala— ang anak nila na si Myko.
Makalipas ang ilang taon, masayang nabubuhay si Irene kasama ang anak hanggang sa muling kumatok ang pag-ibig sa puso niya. Muli niyang makakadaupang-palad ang kababatang si Natoy na hindi kalauna’y aalukin siya ng kasal sa kabila ng pagiging isang single mom niya.
Sa wakas ay nakuha niya ang matagal na inaasam na buong pamilya. Ngunit paano kapag bumigay si Natoy sa isang gabi ng kahinaan? Paano poprotektahan ni Irene ang kanyang pamilya? Sa mag-asawa, magagawa bang magtagumpay ng pag-ibig na tila tubig at langis?
Kasama rin sa cast ng “Tubig at Langis” sina Vivian Velez, Lito Pimentel, Nadia Montenegro, Marco Gumabao, Ingrid Dela Paz, Dionne Monsanto, Archie Alemanie, Victor Silayan, at Miguel Vergara. Ito ay sa direksyon ni FM Reyes.
Huwag palalampasin ang pagsisimula ng “Tubig at Langis” ngayong Lunes (Feb 1) sa ABS-CBN.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s