Shy Carlos at Mark Neumann Makikipagsabayan sa Love Team ng JaDine KathNiel at LizQuen sa kanilang Bagong Fantaseryeng “Tasya Fantasya”

IMG_7023
Ang refreshing tandem nina Shy Carlos at Mark Neumann ang mga bibida sa televison remake ng Tasya Fantasya, ang iconic komiks character na nilikha ni Carlo J. Caparas. Matatandaang unang ginampanan ni Yasmine Kurdi sa GMA ang fantaseryeng ito noong 2008 at isinapelikula naman ng Abs-Cbn na si Kris Aquino naman ang gumanap noong 1994. Ngayon naman ay si Shy Carlos ng Viva Entertainment ang gaganap na Tasya. Sa katatapos na press conference para sa bagong fantaserye na ito ng TV5 na ginanap sa Music Hall, Metro Walk Pasig City, noong January 14, 2016 ay nagpakitang gilas si Shy Carlos suot ang kanyang costume bilang si Tasya sa media people at bloggers. Kinantahan nito ang mga press people at nakipag kwentuhan sa katauhan ni Tasya. Talaga namang in- character itong si Shy bilang si Tasya nang humarap sa presscon. Ang Tasya na malambing, witty, makulit ngunit may pagka-mali mali. Bagamat hirap sa pagsasalita dahil sa kanyang prosthetic na ngipin, nasagot naman ni Shy ang mga maintrigang tanong ng mga press at bloggers.
“Natutuwa ako na binigyan ako ng pagkakataon ng Viva na maipakita yung talent ko bilang si Tasya dito sa bagong fantaserye ng TV5, ang Tasya Fantasya. Matagal ko nang hinintay ang big break na ito sa aking career, ” pahayag ni Shy Carlos. Sina Mark Neumann at Shy Carlos ang bagong love team na binubuo ng TV5 na mukha namang kayang makipagsabayan sa loveteam ng JaDine, KathNiel at LisQuen dahil kitang kita naman na may chemistry ang dalawa sa screen kahit na pareho silang half-half (half-Filipino/half-Swedish si Shy at half-Filipino/half-Croation naman si Mark) Kitang-kita ang chemistry ng dalawa sa kanilang mga eksenang ipinakita sa trailer ng presscon, kaya naman binansagan silang “perfect combo.”
Malayu-layo na rin ang narating ni Mark magmula nang tanghalin sya bilang isa mga finalists ng Artista Academy ng TV5. Sya ngayon ang kinikilalang kilig Prince ng TV5 dahil sa taas ng mga ratings ng halos lahat ng mga programang kanyang pinagbidahan sa Kapatid Network. “Hindi naman po ako malayong ma-inlove sa aking leading lady na si Shy Carlos, dahil mabait naman at very accommodating naman si Shy, I really like her, because she is very kind and sweet,” sambit naman ni Mark nang tanungin sya ng press kung may tendency bang ma-inlove sya kay Shy Carlos.
Inaasahan na mas magiging maningning ang kinang ng bitiun ni Shy dahil sa kanyang natural na acting talent at professionalism sa fantaseryeng ito ng TV5. Unang napansin ang kanyang husay sa mga pelikulang “Para sa Hopeless Romantic,” “Chain Mail,” at ang showing pa rin hanggang ngayon na “Lumayo Ka Nga Sa Akin.”
Abangan ang bagong sweet and charming actress ng Viva Entertainment na si Shy Carlos sa kanyang bagong fantaseryeng “Tasya Fantasya,” na magsisimula na sa February 6, 2016, tuwing Sabado, 8pm sa Kapatid Network, TV5.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s